ئەنجومەنى سەندیکاى پارێزەران سەردانى دادگاى تێهەڵچوونەوەى سلێمانى دەکات

رۆژى یەکشەممە رێکەوتى 7-3-2021 وەفدێکى سەندیکاى پارێزەرانى کوردستان و دەستەى سندوقى خانەنشینى پارێزەران، سەردانى سەرۆکایەتى دادگاى تێهەڵچوونەوەى ناوچەى سلێمانیان کرد و لەلایەن بەڕێز دادوەر جاسم جەزا پێشوازى کران.لە دانیشتنێکدا دواى بەخێرهاتن، هەردوولا باسیان لە کاروبارەکانى دادگا و چۆنیەتى پێشخستن و هاوکاریکردنى یەکتر و پارێزەران کرایەوە. وەفدى سەندیکا و بەڕێز سەرۆکى دادگاى تێهەڵچوونەوە گرینگى هەماهەنگی نێوان هەردوولایان لەپێناو بەرژەوەندى گشتیى و جێبەجێکردنى یاسا دووپات کردەوە.وەفدى سەندیکاى پارێزەران سوپاسى بەڕێز دادوەر جاسم جەزایان کرد کە لەماوەى رابوردوو و لە ئێستاشدا ئەوپەڕى هاوکارى پارێزەرانە و تەواوى تواناکانى خۆى بۆ کەمکردنەوەى رۆتین و دادپەروەریى و مافخوراوان خستۆتە گەڕ و بەو بۆنەیەش لۆگۆى سەندیکاى پارێزەرانیان وەک سوپاس و پێزانین پێشکەش بە بەڕێزیشیان کرد.هەر هەمان رۆژ ئەندامانى ئەنجومەنى سەندیکاى پارێزەرانى کوردستان سەردانى لقى سلێمانى پارێزەرانیان کرد و لەگەڵ پارێزەرانى ئەو سنوورە کۆبوونەوە و گوێ لە سەرنج و تێبینیى و داواکارییەکانیان گیرا و بەڵێنیان دا ئەوپەڕى تواناى خۆیان داواکارییەکانیان بخەنە گەڕ