هه‌واڵ
بڕوانامه به‌سه‌ر پارێزه‌رانى سۆران دابه‌ش ده‌كرێت
بڕوانامه به‌سه‌ر پارێزه‌رانى سۆران دابه‌ش ده‌كرێت رۆژى پێنجشه‌ممه رێكه‌وتى 16/2/2017 به ئاماده‌بوونى وه‌فدێكى سه‌ندي...
نه‌قيبى سه‌نديكا پێشوازى له نوێنه‌رى پڕۆژه‌يه‌ك دادپه‌روه‌رى جينائى له يه‌كيه‌تيى ئه‌وروپا ده‌كات
رۆژى دووشه‌ممه رێكه‌وتى 2017/3/20 به‌ڕێز به‌ختيار حه‌يده‌ر، نه‌قيبى سه‌نديكاى پارێزه‌رانى كوردستان، به ئاماده‌بوونى به...
پرسه‌ى سه‌نديكا به‌بۆنه‌ى شه‌هيد بوونى شيفا گه‌ردى
پرسه و سه‌ره‌خۆشى به‌ناوى نه‌قيب و ئه‌ندامانى ئه‌نجومه‌ن و گشت ئه‌ندامانى سه‌نديكاى پارێزه‌رانى كوردستان، پرسه ...
سكرتێرى سه‌نديكا به‌شدارى له ۆركشۆپێك ده‌كات
ئه‌مڕۆ سێشه‌ممه رێكه‌وتى 2016/10/11، له هۆڵى كۆبوونه‌وه‌كانى هوتێل كريستاڵ له هه‌ولێر، رێكخراوى HEARTLAND ALLIANCE IN...
نه‌قيبى سه‌نديكا پێشوازى له رێكخراوى لێكۆڵه‌ر ده‌كات
ئه‌مڕۆ يه‌كشه‌ممه رێكه‌وتى 2016/9/25 له باره‌گاى سه‌نديكاى پارێزه‌رانى كوردستان، به‌ڕێز به‌ختيار حه‌يده‌ر نه‌قيبى سه‌ن...
كوڕان و كچانى شه‌هيد له به‌شێك له رسوماته‌كانى سه‌نديكا ده‌به‌خشرێن
وەك ڕێزێك و پابەندبوونێكی نیشتمانیی و ئەخلاقی، سەندیكای پارێزەرانی كوردستان لە كۆبوونەوەی 33ی ئەنجومەنی سەندیكا بڕیا...
ماڵه‌وه
نه‌قيبى سه‌نديكا پێشوازى له وه‌زيرى خوێندنى باڵا ده‌كات
پێشوازييه‌كى گرينگ و كۆبوونه‌وه‌يه‌كى پڕ به‌رهه‌م
ئه‌مڕۆ دووشه‌مه رێكه‌وتى 2017/5/8 له باره‌گاى سه‌نديكاى پارێزه‌رانى كوردستان، به‌ڕێز به‌ختيار حه‌يده‌ر، نه‌قيبى سه‌نديكاى پارێزه‌رانى كوردستان، به ئاماده‌بوونى به‌ڕێزان كاره‌سول حه‌سه‌ن، جێگرى نه‌قيب و بژار ئه‌كره‌م عه‌للاف ئه‌ندامى ئه‌نجومه‌ن، پێشوازى كرد له به‌ڕێز د.يوسف گۆران، وه‌زيرى خوێندنى باڵا و توێژينه‌وه و وه‌فدى ياوه‌رى كه پێكهاتبوون له به‌ڕێزان د.نه‌ژده‌ت ئاكره‌يى بەڕێوەبەرى گشتى فەرمانگەى توێژینەوە و پەرەپێدان و هاوكارانى له نووسينگه‌ى وه‌زير و راگه‌ياندنى وه‌زاره‌ت.
دواى به‌خێرهاتن و سوپاسكردنى وه‌فدى وه‌زاره‌تى خوێندنى باڵا، له دانيشتنێكى پڕسوودى ڕاشكاوانه، هه‌ردوولا باسيان له ره‌وشى خوێندنى ياسا، به‌رزكردنه‌وه‌ى ئاستى زاستى قوتابيان و ده‌رچووانى كۆليژه‌كانى ياسا له هه‌رێمى كوردستان و ئه‌و هه‌نگاوانه‌ى چاكسازى وه‌زاره‌ت كرد بۆ پێشخستنى بوارى خوێندنى باڵا له هه‌رێمى كوردستان و زانكۆكان ده‌درێت، نه‌خاسمه له كۆليژه‌كانى ياسا. كه به‌رچاوترينيان له‌سه‌ر داخوازى سه‌نديكاى پارێزه‌ران و به هه‌ماهه‌نگى هه‌ردوولا، خوێندن له كۆليژه‌كانى ياسا بوو به پێنج ساڵى خوێندن.
هه‌روه‌ها هه‌ردوولا چه‌ندين ته‌وه‌رى گرينگيان تاوتوێ كرد، كه له به‌رژه‌وه‌ندى به‌رزكردنه‌وه‌ى ئاستى زانستى ياسا ده‌بێت و پارێزه‌ران به‌شێوه‌يه‌كى گشتى سوودى لێ وه‌رده‌گرن و ده‌رچووانى ياسا له كوردستان له داهاتوو پڕ زانست و توانست و لێهاتووتر ده‌بن.
هه‌روه‌ها به‌ڕێز خوێندنى باڵا، ئه‌و پێشنياره‌ى سه‌نديكاى پارێزه‌رانى به هه‌ند وه‌رگرت، كه داواكرا خوێندنى ماسته‌رى پيشه‌ييى ياسا له كۆليژه‌كانى ياساى، به گوێره‌ى توانا و رێنماييه‌كان بكرێته‌وه و پارێزه‌ران له‌و باره‌يه‌وه، بتوانن درێژه به خوێندن بده‌ن و ئاستى بڕوانامه و لێهاتووييان به‌رز بكه‌نه‌وه و به‌ڵێن درا، كه گفتوگۆى له‌سه‌ر بكرێت له وه‌زاره‌ت و وه‌ڵامى ئه‌رێنى بدرێته‌وه.
ئه‌مه جگه له‌وه‌ى يه‌كێك له هه‌نگاوه‌كانى چاكسازى وه‌زاره‌ت بۆ خوێندنى ياسا له هه‌رێمى كوردستان ئه‌وه‌يه كه وه‌رگرتن له كۆليژه‌كانى ياسا، به كۆمه‌ڵێك پێودانگى زانستى ياساييى تۆكمه‌تر دا بڕوات و ئاستى زانينى زمانه‌كانى عه‌ره‌بيى و ئينگليزى بكرێته مه‌رجى سه‌ره‌كيى و پێداچوونه‌وه‌ش له وه‌رگرتنى قوتابيانى لقى زانستى له كۆليژه‌كانى ياسا بكرێت.
له کۆتایى دیدارەکەشدا، لەسەر پێشنیازى د.یوسف گۆران وەزیرى خوێندنى باڵا و توێژینەوەى زانستى بڕیارى ئەنجامدانى وۆرکشۆپێکى هاوبەش لە نێوان وەزارەتى خوێندنى باڵا و توێژینەوەى زانستى و سەندیکاى پارێزەران درا بۆ جێبەجێکردنى پێشنیازەکانى سەندیکاى پارێزەران و بەردەوامیدان بەپرۆسەى چاکسازى لە بوارى خوێندنى یاسا لە زانکۆکانى کوردستان.
